Podharillu : పొదరిల్లు సీరియల్ లో ట్విస్ట్.. ఇష్టం లేని పెళ్ళిచూపుల్లో మహా!
on Dec 12, 2025
స్టార్ట్ మా టీవీలో ప్రసారమవుతున్న సీరియల్ 'పొదరిల్లు'(Podharillu). ఈ సీరియల్ గురువారం నాటి ఎపిసోడ్ -04 లో... ఇంట్లో వాళ్లు మహాకి పెళ్లిచూపులు ఏర్పాట్లు చేస్తున్నారని తెలుసుకొని తను బాధపడుతుంది. తనకి సంబంధించిన మెడల్స్, సర్టిఫికేట్లు తీసుకొని వస్తుంది. ఇవన్నీ తెచ్చుకుంది పెళ్లి చేసుకొని వెళ్ళడానికా అని వాళ్ళ నాన్నని అడుగుతుంది. నువ్వేం చెయ్యాలనుకున్న పెళ్లి అయ్యాక చెయ్యమని ప్రతాప్ చెప్తాడు. దీన్ని ఎవరైనా ప్రేమ అంటారా అని మహా తన వదిన హారికకి చెప్పుకుంటూ ఎమోషనల్ అవుతుంది.
మరొక వైపు మాధవ పెళ్లిచూపులకి వెళ్లాడానికి రెడీ అవుతాడు. ఆ తర్వాత తాయారు కూతురు గాయత్రి గుడికి వెళ్తుంది.. మాధవ బావకి నాకు పెళ్లి కావాలని మొక్కుకుంటుంది. అప్పుడే తనకి తన ఫ్రెండ్ ద్వారా మాధవ పెళ్లిచూపులకి వెళ్తున్నాడని తెలుస్తుంది. దాంతో వాళ్ల అమ్మకి ఏదో సాకు చెప్పి అక్కడ నుండి మాధవ దగ్గరికి బయల్దేరుతుంది. రెడీ అయి ఉన్న మాధవ దగ్గరికి వెళ్లి కోప్పడుతుంది. అప్పుడే నారాయణ వచ్చి.. నువ్వు ఇక్కడ ఎన్ని అంటే ఏం లాభం మీ అమ్మకి చెప్పు లేదంటే నువ్వు వచ్చేయ్.. నీతో నా కొడుకు పెళ్లి చేస్తానని నారాయణ అంటాడు. నువ్వు ఈ పెళ్లిచూపులకి వెళ్ళకు బావ ఈ పెళ్లిచూపులు కూడా క్యాన్సిల్ అవ్వాలని గాయత్రి అనేసి వెళ్ళిపోతుంది. మరొకవైపు నేను రెడీ అవ్వను అంటూ మహా మొండిగా ఉంటుంది. దాంతో హారిక వచ్చి నచ్చజెప్తుంది. నీకు అబ్బాయి నచ్చలేదని క్యాన్సిల్ చెయ్యొచ్చని సలహా ఇస్తుంది.
మరొకవైపు మహాని పెళ్లిచూపులు చూడడానికి వసున్న అబ్బాయికి దారిలో బొకే కనిపిస్తుంది. అది వేరే వాళ్ళు కొనుక్కొని వెళ్తుంటే అతను ఇవ్వమని అడుగుతాడు. నేను ఇవ్వనని కొనుక్కున్న అతను అనగానే.. ఎక్కువ డబ్బులు ఇచ్చి లాక్కుంటాడు. నాకు నచ్చింది నాకు దక్కాల్సిందేనని అతను కార్ ఎక్కుతాడు. ఆ తర్వాత అబ్బాయి వాళ్ళని ప్రతాప్ రిసీవ్ చేసుకుంటాడు. అబ్బాయి అటిట్యూడ్ గా బెహేవ్ చేస్తాడు. మహా వచ్చేలోపు కార్ లో ఉన్న బొకే తీసుకొని వస్తాడు. మహాని చూసి ఫ్లాట్ అవుతాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
